Anne Sande

Drivkrafta mi har alltid vore skriveglede. Eg skriv mest på nynorsk, men leverer gjerne saker på bokmål også, alt etter ønske frå oppdragsgjevar. Reportasje, feature og portrett er sjangrane eg likar best å jobbe med. Som frilanser leverer eg tekstar og bilete til nett og papir og lydinnslag til podkast og radio.
God kjennskap til Adobe og mykje erfaring med ulike webpubliseringsverktøy, særskilt Wordpress.
 
Gjennom åra har eg jobba for mange ulike oppdragsgjevarar og formidla til ulike målgrupper. Tema eg gjerne skriv om er med utgangspunkt i erfaring frå arbeidsliv og frivillig arbeid for ulike organisasjonar. Døme: skule og utdanning, natur og friluftsliv, kultur, integrering og humanitært arbeid. 
Eg er utdanna journalist og har jobba for avis, radio og nett. Som nyutdanna journalist på 90-talet jobba eg i avis og radio, og som medielærar i vidaregåande skule hadde eg mellom anna ansvar for lydproduksjon. Frå 2004 til 2021 underviste eg i mediefag på vgs og i vaksenopplæring. I 2022-23 hadde eg eit langtidsoppdrag der eg arbeidde mykje med lyd (podkast, radio og innlesing av lydbøker).

Dei siste åra har eg jobba mykje med publisering til ulike nettsider og some. Eg har spesielt god kjennskap til Wordpress.

Basen min er i Oslo, men oppdrag andre stader og reiseverksemd er absolutt av interesse.   

Arbeidserfaring i stikkord:

• Prosjektleiar 
• Medielærar og lærar for minoritetsspåklege
• Informasjonssjef 
• Informasjons- og kommunikasjonsarbeid
• Radioreporter 
• Avisjournalist 

Studier:

• Menneskerettigheter, flerkulturell forståelse og konflikthåndtering (Universitetet i Sørøst-Norge)
• Kreativ webdesign (Høgskolen på Vestlandet)
• Praktisk pedagogisk utdanning (Høgskulen i Sogn og Fjordane)
• Journalistutdanning (Høgskolen i Rogaland)
• Sosialantropologi (Universitetet i Oslo)